अहेरी: नागपूर येथील हिवाळी अधिवेशन आटोपल्यानंतर आमदार धर्मराव बाबा आत्राम यांनी 21 डिसेंबर रोजी अहेरी येथे आले दरम्यान दुसऱ्याच दिवशी म्हणजे 22 डिसेंबर रोजी सिरोंचा तालुक्याचा दौरा करत त्यांनी विकासकामांचा धडका सुरू केला.
आ.धर्मरावबाबा आत्राम यांनी सिरोंचा तालुक्यातील परसेवाडा, नरसिंहपल्ली, टेकडा, जाफराबाद रेगुंटा परिसरात दौरा करून कार्यकर्त्यांची बैठक घेतली आमदार झाल्यावर त्यांच्या पहिलाच दौरा असल्याने या भागातील राकॉच्या (अजित पवार गट) कार्यकर्त्यांनी त्यांचे जल्लोषात स्वागत केले त्यानंतर आ.आत्राम यांनी कार्यकर्त्यांशी संवाद साधून नागरिकांच्या समस्या जाणून घेतले.
विशेष म्हणजे निवडणुकीदरम्यान त्यांनी दिलेल्या शब्द पाळत येतील कंबालपेठा ते टेकडा रस्त्यावरील मोठ्या पुलाच्या बांधकामाचे भूमिपूजन केले. त्यानंतर परसेवाडा – चिकेला – जाफराबाद रस्त्यावर संरक्षण भिंतीच्या बांधकामाचे भूमिपूजन केले. तसेच त्यांनी या भागातील शेतकऱ्यांची अडचण लक्षात घेऊन बामणी आणि अमरावती येथे खरीप पणन हंगाम २०२४- २०२५ अंतर्गत धान खरेदी केंद्राचे शुभारंभ केले.
याप्रसंगी कार्यकर्त्यांनी त्यांचे शाल श्रीफळ व पुष्पगुच्छ देऊन स्वागत केले.
यावेळी अहेरी पंचायत समितीचे माजी सदस्य हर्षवर्धनबाबा आत्राम, सामाजिक कार्यकर्ता तथा राकॉचे ज्येष्ठ पदाधिकारी बबलू हकीम, सिरोंचा तालुकाध्यक्ष मधुकर कोल्लुरी, नगरसेवक जगदीश रालबंडीवार, नगरसेवक सतीश भोगे, नगरसेवक सतीश राचर्लावार, रामकीष्टू नीलम, रवी सुलतान, कोंडाय्या कटकु, सत्यनारायण परपटला, गोविंदा पेद्दी, वेंकटलक्ष्मी अरवेली, मधुकर मडावी, श्रीनिवास चिंतावार, कृष्णमूर्ती रिंकूला, लक्ष्मण येरावार, मारन्ना नीलम, सरशील अकनपल्ली, सर्गती नरेश आदी कार्यकर्ते उपस्थित होते.
