लभानतांडा येथील कार्यकर्त्यांचे राष्ट्रवादी काँग्रेस पक्षात प्रवेश!

राष्ट्रवादी काँग्रेस पक्षाचे (अजित पवार गट) पारडे जड

अहेरी:– नजीकच्या नागेपल्ली लगतच्या लभानतांडा येथील विविध पक्षातील असंख्य कार्यकर्त्यांनी राष्ट्रवादी काँग्रेस पक्षात (अजित पवार गट) प्रवेश केले. ऐन विधानसभेच्या निवडणुकीत विविध पक्षातील असंख्य कार्यकर्ते राष्ट्रवादी काँग्रेस पक्षात (अजित पवार गट) प्रवेश करीत असल्याने पक्षाला उभारी व महायुतीचे उमेदवार डॉ. धर्मराव बाबा आत्राम यांना अजून नवी ऊर्जा व ताकद मिळत आहे.
शुक्रवार 1 नोव्हेंबर रोजी विविध पक्षाचे असंख्य कार्यकर्त्यांनी पक्ष प्रवेश केले असून पक्षाचे प्रदेश उपाध्यक्ष डॉ. धर्मराव बाबा आत्राम यांनी राष्ट्रवादी काँग्रेस पक्षाचे घडी चिन्हाचे दुप्पटा टाकून स्वागत केले.
पक्ष प्रवेश करणाऱ्यांमध्ये राष्ट्रवादी काँग्रेस पक्षाचे कार्यकारी जिल्हाध्यक्ष रियाज शेख व राष्ट्रवादी काँग्रेस पक्षाचे सुनील वासनिक यांच्या मार्गदर्शनाखाली अजय बानोत, हणमंतू बानोत, बालाजी बानोत, गणेश बानोत, मुकेश पवार, व्यंकटी बानोत, परवीन पवार, उमर राठोड, संतोष राठोड, पवन पवार, अरुण आत्राम, राजू चौधरी, अजय येमुलवार आदी व असंख्याचा समावेश आहे.
विधानसभा निवडणुकीची रणधुमाळी सुरू असताना राष्ट्रवादी काँग्रेस पक्षात (अजित पवार गट) विविध पक्षाचे असंख्य कार्यकर्त्यांचे पक्ष प्रवेश झाल्याने व होत असल्याने अहेरी विधानसभेतील महायुतीतील राष्ट्रवादी काँग्रेस (अजित पवार गट)पक्षाचे उमेदवार डॉ . धर्मराव बाबा आत्राम यांचे पारडे जड दिसत आहे.